Pantun Betawi Ceria

Bacang ngendep dalem peti
Ngambreng baunye gak ketahan
Sembayang ngadep ILLahi Robbi
Kuwajiban buat nyang kenal TUHAN

Asem kandis asem glugur
Tiga asem obat meriang
Mata nangis di pintu kubur
Teringat badan gak pernah sembahyang

Melek liat ketek bolong
Perasaan malu muke marong
Jelek tabe'at lu, tong !
Kebisaan lu cuman ngerongrong

Gajah saye si gajah dungkul
dikasi makan rumput sepikul
Saye maen sembari ngebul
Nyari rezeki barang sebakul

Korma
Sekati dua puluh lima
Ajudan naek nama
Jaga kentut kagak kena

Kramat ape di kali angke
Sayur bayem saye tumisin
Kemat ape nyang none pake
Siang malem saye pikirin

Maen ceki, ceki gelundung
Tarik locan buang bendera
Jangan kate di ujung gunung
Di mulut macan masing saye bela

Ya Alloh Ya Robbi
Nyari untung biar lebi
Biar bisa pegi haji
Ziarah ke makam Nabi

Dari jembatan tinggi ke pengasinan
Jalannye nenggar banyak pu'unan
Tukang sero Tukang nelayan bukan permaenan
Siang kepanasan malem keembunan

Dulu si Pitung sekarang Bang Ben
Emang Si Pitung Belon ketemu lawannye
Rawe Belong Desa Pengumben
Nama si Pitung Jadi kampungnye

Si Pitung anak rawe belong
Cakep Elmunye kaya kalong
Bande penjajah dan cukong die colong
Ditangkep, buian meester die bikin bolong

#23abfc

Posted in: